‘होल्डिङ सेन्टरबाट सुकुम्बासीलाई हटाउने निर्णय फिर्ता होस्’

काठमाडौँ। जवाफदेहिता निगरानी समितिले होल्डिङ सेन्टरमा आश्रय लिइरहेका सुकुम्बासी परिवारहरूलाई पाँच दिनभित्र सेन्टर छाड्न दिइएको अल्टिमेटमप्रति गम्भीर आपत्ति जनाएको छ। समितिले यो निर्णय तत्काल फिर्ता लिन सरकारसँग माग गरेको छ।

विज्ञप्ति जारी गर्दै समितिले उचित पुनर्वास, वैकल्पिक आवास र जीविकोपार्जनको व्यवस्था नगरी नागरिकलाई अस्थायी आश्रयबाट समेत लखेट्नु गम्भीर मानव अधिकारविपरीत भएको उल्लेख गरेको छ।