डिजिटल नेपाल अभियानमा नयाँ फड्को, ८० विशेषज्ञको टोली परिचालन गरिने

काठमाडौं । सरकारले सार्वजनिक प्रशासनलाई डिजिटल प्रविधिमा आधारित बनाउने लक्ष्यसहित उच्चस्तरीय प्राविधिक टोली गठन गर्ने तयारी गरेको छ । सूचना–प्रविधि प्रणालीलाई एकीकृत र सुरक्षित बनाउने उद्देश्यले ८० सदस्यीय विशेष टोली परिचालन गरिने भएको हो ।

ललितपुरमा सोमबार आयोजित एक कार्यक्रममा अर्थमन्त्री डा. स्वर्णिम वाग्लेले सरकारी निकायहरूमा प्रयोग भइरहेका विभिन्न सफ्टवेयर तथा सूचना–प्रविधि प्रणालीलाई एउटै संरचनामार्फत सञ्चालन गर्ने योजना अघि बढाइएको जानकारी दिए ।