नेपाली क्रिकेटको शिखर यात्रामाथि बनेको आईसीसीको डकुमेन्ट्री युट्युबमा सार्वजनिक

काठमाडौँ । अन्तर्राष्ट्रिय क्रिकेट काउन्सिल (आईसीसी) ले हालै नेपाली क्रिकेटमाथि तयार पारिएको वृत्तचित्र सार्वजनिक गरेको छ । ‘नेपाल- क्लाइम्बिङ क्रिकेट्स माउन्टेन’ (नेपाल-क्रिकेटको शिखरयात्रा) शीर्षकमा सोमबार आईसीसी र नेपाल क्रिकेट संघ (क्यान) को युट्युब च्यानलमा कोल्याबको रूपमा सार्वजनिक भएको हो ।

डकुमेन्ट्रीमार्फत नेपाली क्रिकेटको ऐतिहासिक र प्रेरणादायी यात्रालाई विश्व माझ प्रस्तुत गरिएको छ । यो वृत्तचित्रमा नेपालको विगत ३० वर्षको क्रिकेट यात्रा, प्रशंसकहरूको अगाध माया र आगामी भविष्यको खाका समेत उतारिएको छ ।