राष्ट्र बैंकको नयाँ नियम : अब मौखिक आदेशमै रोक्का हुन सक्छ बैंक खाता

काठमाडौं । नेपाल राष्ट्र बैंकले वित्तीय अपराध नियन्त्रणलाई प्रभावकारी बनाउने उद्देश्यसहित बैंक तथा वित्तीय संस्थाका लागि नयाँ व्यवस्था लागू गरेको छ । संशोधित एकीकृत निर्देशन, २०८२ अनुसार अब अनुसन्धान अधिकारीको मौखिक अनुरोधका आधारमा पनि शंकास्पद बैंक खाता अस्थायी रूपमा रोक्का गर्न सकिने भएको छ ।

राष्ट्र बैंकले इजाजतपत्रप्राप्त “क”, “ख” र “ग” वर्गका बैंक तथा वित्तीय संस्थालाई जारी गरेको एकीकृत निर्देशनमा संशोधन गर्दै वित्तीय अपराधसँग जोडिएका खातामाथि तत्काल कदम चाल्न सकिने व्यवस्था गरेको हो ।