पहाडमा वर्षा र तराईमा गर्मी बढ्ने पूर्वानुमान

जल तथा मौसम विज्ञान विभाग अन्तर्गतको मौसम पूर्वानुमान महाशाखाले आगामी दुई दिन देशको हिमाली तथा पहाडी भूभागका थोरै स्थानमा मध्यमसम्मको वर्षा हुने पूर्वानुमान गरेको छ ।

महाशाखाका अनुसार आज राति देशको हिमाली र पहाडी भूभागका एक, दुई स्थानमा हल्का वर्षा र हिमपातको सम्भावना छ । हाल नेपालमा उपल्लो वायुमण्डलमा रहेको पश्चिमी न्युन चापीय रेखा तथा स्थानीय वायुको प्रभाव छ ।