क्यान्सर उपचारमा नयाँ औषधिको परीक्षण सफल, चिकित्सकहरू उत्साहित

हालै सार्वजनिक गरिएको अनुसन्धानको एक नतिजाले क्यान्सरको उपचारमा नयाँ आशाको सञ्चार गरेको छ । अमेरिकी कम्पनी जोन्सन एन्ड जोन्सनले विकास गरेको यो औषधि जटिल चरणमा पुगेको क्यान्सरको उपचारमा समेत प्रभावकारी हुने दावी गरिएको छ ।

यो परीक्षण ११ देशका बिरामीहरूमा गरिएको थियो । शरीरका अन्य भागमा समेत क्यान्सर फैलिइसकेको, क्यान्सर पुन: दोहोरिएका बिरामीहरूलाई यो एन्जेक्सन दिइएको थियो । ती बिरामीहरूलाई क्यान्सर उपचारका अन्य विकल्पहरूले काम गर्न छाडिसकेको थियो ।