बाढीग्रस्त क्षेत्रका अलपत्र यात्रु उद्धार गर्न काठमाडौँ महानगरको नि:शुल्क बस सेवा

काठमाडौँ- रसुवा बाढीका कारण सडकमै अलपत्र परेकाको उद्धारका लागि काठमाडौँ महानगरले निःशुल्क बस सेवा थालेको छ। महानगरका अनुसार शुक्रबार १९ जना यात्रुको उद्धार महानगरले निःशुल्क सुरु गरेको हो। सेवाको पहिलो दिन २ जना बालबालिका, ९ जना महिला र ८ जना पुरुष गरी १९ जनालाई काठमाडौँ ल्याइएको थियो।

आजबाट २ वटा सवारी साधनबाट सेवा सञ्चालन गरिएको छ । २ वटामध्ये रसुवादेखि काठमाडौँ चलाउन १९ सिटे ००६ ख ९३३९ नम्बरको बस सन्चालनमा ल्याएको छ। अर्को गाडी महानगरपालिकाको अनुरोधमा छत्रपाटी निःशुल्क चिकित्सालयले उपलब्ध गराएको ०३० च ७३६४ नम्बरको १० जना यात्रु अट्टाउने बस सन्चालनमा ल्याएको छ।