रास्वपा महाधिवेशनको बेथिति हेर्दा हामीले देश चलाउन सक्दैनौं- धनञ्जय रेग्मी

राष्ट्रिय स्वतन्त्र पार्टी (रास्वपा) का प्रतिनिधि सभा सांसदसमेत रहेका केन्द्रीय सदस्यका उम्मेदवार धनञ्जय रेग्मीले महाधिवेशनको बेथिति हेर्दा रास्वपाले देश चलाउन नसक्ने देखिएको टिप्पणी गरेका छन्।

३ दिने महाधिवेशनका लागि महाधिवेशन प्रतिनिधिहरू चितवन आए पनि महाधिवेशन लम्बिएर ५ दिन पुगिसकेको उल्लेख गर्दै उनले पत्रकारहरूसँग भने, ‘यति बेथिति गरियो भने हामीले देश चलाउन सक्दैनौं है साथीहरू हो।’