रुकुमपश्चिमका स्थानीय तहको बजेट: ६ पालिकाद्वारा साढे तीन अर्बभन्दा बढीको बजेट सार्वजनिक

रुकुमपश्चिमका छ वटै स्थानीय तहले आगामी आर्थिक वर्ष २०८३/०८४ का लागि कुल तीन अर्ब ६२ करोड ७१ लाख ७६ हजार ९०४ रुपैयाँको बजेट सार्वजनिक गरेका छन् ।

जिल्लाका पालिकामध्ये मुसीकोट नगरपालिकाले सबैभन्दा ठुलो बजेट ल्याएको छ । नगर उपप्रमुख विमलकुमार पुनले ७३ करोड ७३ लाख २३ हजार ८४८ रुपैयाँको बजेट सार्वजनिक गर्नुभएको हो । जसमध्ये चालुतर्फ ५१ करोड ७९ लाख २३ हजार ४८ रुपैयाँ र पुँजीगततर्फ २१ करोड ९४ लाख रुपैयाँ विनियोजन गरिएको छ ।