रास्वपा पदाधिकारीहरुको मतदान राति ९ः१५ बजेदेखि सुरु हुने

काठमाडौँ । राष्ट्रिय स्वतन्त्र पार्टी (रास्वपा) को केन्द्रीय निर्वाचन आयोगले परिमार्जित राष्ट्रिय महाधिवेशन निर्वाचन कार्यतालिका २०८३ सार्वजनिक गरेको छ। आयोगले ‘राष्ट्रिय महाधिवेशन निर्वाचन कार्यविधि, २०८३ को दफा ९ बमोजिम’ पाँचौ पटक संशोधन गर्दै नयाँ कार्यतालिका पुनः प्रकाशन गरेको हो।

पहिलो चरणको परिणाम घोषणा भएपश्चात् बिहीबार बेलुका ५:०० बजेदेखि दोस्रो चरणको तयारी सुरु हुनेछ। पार्टीको केन्द्रीय पदाधिकारी पदका लागि उम्मेदवारी फारम वितरण तथा दर्ताको समय बेलुका ६:३० देखि ७:०० बजेसम्म तोकिएको छ। उम्मेदवारहरूको प्रारम्भिक नामावली साँझ ७:३० बजे प्रकाशन गरिनेछ भने उम्मेदवार विरुद्ध दावी वा विरोध गर्नका लागि साँझ ८:०० बजेसम्मको समय दिइएको छ।