सात महिना यताकै न्यूनस्तर नजिक ओर्लियो सुनको भाउ

न्युयोर्क । अन्तर्राष्ट्रिय बजारमा पहेँलो धातु सुनको भाउ घटेर सात महिनाकै न्यून स्तर नजिक ओर्लिएको छ । अमेरिकी केन्द्रीय बैंक फेडरल रिजर्भ (फेड)ले ब्याजदर बढाउन सक्ने अपेक्षा बलियो बन्दै जाँदा सुनको मूल्य घटेको हो ।

बिहीबार न्यु योर्क मर्कन्टाइल एन्सचेञ्जको कोमेक्स डिभिजनमा स्पट गोल्डको मूल्य प्रतिऔँस ३ हजार ९६१ डलर ९५ सेन्टसम्म झरेको थियो । यो समाचार तयार पार्दाखेरि नेपाली समयअनुसार साँझ ४ः५७ बजे सुनको भाउ प्रतिऔंश ३ हजार ९८४ डलर शून्य ५ सेन्ट कायम भएको थियो ।