जापानी प्रधानमन्त्रीको लोकप्रियता दर पहिलो पटक ५० प्रतिशतभन्दा तल

जापानी प्रधानमन्त्री सानाए ताकाइची नेतृत्वको सरकारको लोकप्रियता पहिलो पटक ५० प्रतिशतभन्दा तल झरेको छ । अक्टोबरमा सत्तामा आएयता बिहीबार प्रकाशित एक सर्वेक्षणले सरकारको लोकप्रियता दर निकै घटेको देखाएको हो ।

जिजी प्रेसले गरेको पछिल्लो सर्वेक्षणअनुसार अहिले ताकाइचीको मन्त्रिपरिषद्प्रति जनसमर्थन ४९ प्रतिशत मात्र देखिएको छ । उनको सरकारप्रतिको समर्थनमा सबैभन्दा ठूलो गिरावट ६० देखि ७० वर्ष उमेर समूहका मतदातामा देखिएको छ । यो समूहको समर्थन गत महिना ६३.७ प्रतिशत रहेकोमा अहिले घटेर ३९.९ प्रतिशतमा झरेको छ ।