अतिक्रमण हटाएर सार्वजनिक जग्गामा पार्क र खुला व्यायामशाला निर्माण

व्यास नगरपालिका–२ मा अतिक्रमणको चपेटामा परेको सार्वजनिक जग्गा खाली गराएर पार्कसहितको खुला व्यायामशाला निर्माणको काम अन्तिम चरणमा पुगेको छ । स्थानीय बासिन्दाको मागलाई सम्बोधन गर्ने उद्देश्यले डाँग्रे खोल्सी क्षेत्रमा रहेको करिब दुई रोपनी सार्वजनिक जग्गालाई संरक्षण गरी सो स्थानमा बगैँचासहितको खुला व्यायामशाला निर्माण भइरहेको हो ।

व्यास नगरपालिका–२ का वडा सदस्य सुरेश वाग्लेका अनुसार यसअघि अतिक्रमणको चपेटामा परेको उक्त जग्गालाई खाली गराई सम्याएर पर्खाल लगाई संरक्षण गरिएको छ । अहिले त्यही स्थानमा पार्क र खुला व्यायामशालाको निर्माण कार्य अन्तिम चरणमा पुगेको उहाँले बताउनुभयो ।