स्थानीय मञ्चबाट अन्तर्राष्ट्रिय यात्रासम्म, स्नोज एम्बासडरहरू थाइल्याण्ड जाँदै

काठमाडौं । स्नो सञ्चार प्रालीद्वारा आयोजित प्रतिभा तथा व्यक्तित्व विकाससम्बन्धी कार्यक्रम स्नोज एम्बासडरका विभिन्न जिल्लाबाट छनोट भएका विजेताहरू अन्तर्राष्ट्रिय मञ्चमा सहभागी हुन थाइल्याण्ड जाने भएका छन्।

ओखलढुङ्गामा गत पौष ५ गते सम्पन्न प्रतियोगिताबाट युहेना श्रेष्ठ विजेता बनेकी थिइन् भने सोलुखुम्बुमा फागुन ३० गते सम्पन्न फाइनल प्रतियोगितामा जुनियरतर्फ नुमी राई र सिनियरतर्फ आकृति राई विजेता घोषित भएका थिए। यी तीनै जना विजेता अन्तर्राष्ट्रिय कार्यक्रममा सहभागी हुन थाइल्याण्ड जाने भएका छन्।