नागरिकताको झुटो सिफारिस दिएको आरोपमा वडाध्यक्ष र वडा सदस्य पक्राउ

अङ्गीकृत नेपाली नागरिकता प्राप्त गर्न झुटो विवरणका आधारमा सिफारिस दिएको आरोपमा मोरङको रंगेली नगरपालिका–५ का वडाध्यक्ष र एक वडा सदस्य पक्राउ परेका छन् ।

पक्राउ पर्नेमा वडा ५ का वडाध्यक्ष ५५ वर्षीय महानन्द मण्डल र वडा सदस्य ४६ वर्षीय गणेश ऋषिदेव रहेको मोरङ प्रहरीका सूचना अधिकारी डीएसपी मकेन्द्रकुमार मिश्रले जानकारी दिनुभयो ।