कारागारको डेढ विघा जग्गा ३२ वर्षदेखि अतिक्रमित

सप्तरीको राजविराज नगरपालिका –६ स्थित कारागार कार्यालयको डेढ विघाभन्दा बढी जग्गा विगत करिब ३२ वर्षदेखि अतिक्रमणमा परेको छ ।

सरकारी स्वामित्वको उक्त जग्गामा निजी घर, टहरा तथा झुप्रा निर्माण गरी एक सयभन्दा बढी परिवार बसोबास गर्दैआएका छन् । सम्बन्धित निकायले विभिन्न समयमा अतिक्रमण हटाउन पहल गरे पनि प्रभावकारी कार्यान्वयन हुन नसक्दा अतिक्रमण झन् विस्तार हुँदैगएको छ ।