कक्षा १२ को नतिजामा लापरबाही भएको विद्यार्थीहरूको आरोप, के भन्छन् शिक्षामन्त्री?

राष्ट्रिय परीक्षा बोर्डले जाँच सकिएको एक महिनाभित्रै सार्वजनिक गरेको कक्षा १२ को नतिजामा लापरबाही भएको भन्दै बिहीबार केही विद्यार्थीले काठमाडौंको माइतीघरमा प्रदर्शन गरे।

बोर्डले एक साताअघि असार ५ गते कक्षा १२ को नतिजा सार्वजनिक गरेको थियो। एक महिनाभित्रै नतिजा निकाल्ने हतारमा राम्ररी कापी जाँच नभएको आशंका गर्दै विद्यार्थीहरूले प्रदर्शन गरेका हुन्।