ओझेलको टरिगाउँ एयरपोर्ट अब विस्तारको बाटोमा

स्थापनाको करिब सात दशकपछि दाङको तुलसीपुर उपमहानगरपालिका–१२ स्थित टरिगाउँ विमानस्थल (एयरपोर्ट) ले इतिहासकै सबैभन्दा ठूलो सरकारी बजेट पाएको छ।

आगामी आर्थिक वर्ष २०८३/०८४ का लागि सरकारले विमानस्थलको धावनमार्ग विस्तार तथा पूर्वाधार विकासका लागि २५ करोड रुपैयाँ विनियोजन गरेपछि लामो समयदेखि ओझेलमा परेको टरिगाउँ एयरपोर्ट पुनः चर्चामा आएको छ। यस निर्णयले स्थानीय व्यवसायी, राजनीतिक नेतृत्व र सर्वसाधारणमा नयाँ आशा जगाएको छ।