फस्टाउँदो होटल व्यवसायः देशभर २९ पाँच तारेसहित ३५२ तारे होटल सञ्चालनमा, अरु थपिँदै

काठमाडौं । नेपालमा विदेशी पर्यटकहरुको खासै बढ्न नसके पनि तारे होटल र रिर्सोटहरुको संख्या भने उल्लेख्यरुपमा बढ्दो छ । नेपालमा आन्तरिक पर्यटनमा भने वृद्धि हुँदै गएकाले यस्ता होटल तथा रिर्सोटहरुको सञ्चालनमा बल पुगेको छ ।

केही समयअघिसम्म काठमाडौ तथा पोखरामा मात्रै सिमित रहेका तारे होटलहरु अहिले देशमा विभिन्न शहरहरुमा खुलेका छन् । हिमाली क्षेत्रमा पनि ठूल–ठूला होटल तथा रिर्सोटहरु खुल्न थालेका छन् । राजधानी काठमाडौँ, पोखरा, चितवन, लुम्बिनी, भैरहवा, नेपालगन्ज, भद्रपुरजस्ता प्रमुख शहर र अन्य अन्य प्रमुख पर्यटकीय गन्तव्यमा स्वदेशी तथा विदेशी लगानीमा नयाँ होटल तथा रिसोर्ट सञ्चालनमा आउने क्रम बढेको पाइएको छ ।