नयाँ बसपार्कमा अब ‘यात्रु तान्ने’ दादागिरी नचल्ने, परिचयपत्र नहुनेलाई कारबाही

काठमाडौँ । काठमाडौँको गोँगबुस्थित नयाँ बसपार्कमा यात्रुहरूलाई हैरानी दिने प्रवृत्तिलाई नियन्त्रण गर्न कडाइ गरिएको छ। बसपार्कभित्र जथाभावी यात्रु तान्ने, दुःख दिने तथा अनावश्यक भीडभाड सिर्जना गर्ने व्यक्तिहरूलाई कारबाहीको दायरामा ल्याउने निर्णय गरिएको हो।

नेपाल यातायात व्यवसायी राष्ट्रिय महासङ्घ, मजदुर सङ्घ–सङ्गठन, नेपाल प्रहरी र लोत्से बहुउद्देश्यीय प्रालिको संयुक्त बैठकले बसपार्कलाई यात्रुमैत्री र व्यवस्थित बनाउने योजना सार्वजनिक गरेको छ। प्रहरी प्रभाग नयाँ बसपार्कका प्रमुख, प्रहरी निरीक्षक शङ्कर श्रेष्ठका अनुसार, बसपार्कभित्र अफवाह फैलाउने र यात्रुको झोला तान्ने जस्ता कार्यमा संलग्न व्यक्तिविरुद्ध प्रहरीले विशेष निगरानी र कारबाही सुरु गरिसकेको छ।