रुपन्देहीका १५ पालिकाले ल्याए साढे १८ अर्बभन्दा बढीको बजेट, कोटहीमाइ अझै बजेटविहीन

रुपन्देही जिल्लाका १६ स्थानीय तहमध्ये १५ वटा पालिकाले आगामी आर्थिक वर्ष २०८३/०८४ का लागि कुल १८ अर्ब ८७ करोड २ लाख ५५ हजार रुपैयाँ बराबरको बजेट सार्वजनिक गरेका छन्। जिल्लामा एक उपमहानगरपालिका, पाँच नगरपालिका र १० गाउँपालिका रहेका छन्। तर कोटहीमाइ गाउँपालिकाले भने बुधबारसम्म बजेट ल्याउन सकेन।

यस वर्ष अधिकांश पालिकाले पूर्वाधार विकास, शिक्षा, स्वास्थ्य, खानेपानी, कृषि, पर्यटन तथा रोजगारी सिर्जनालाई प्राथमिकतामा राख्दै बजेट विनियोजन गरेका छन्।