चलचित्र ‘मास्टर्नी’ को गीत विवादमा प्रकाश सायमी, ‘यो कला होइन, रद्दी व्यवसायको भद्दा रूप हो’

काठमाडौँ । अभिनेत्री प्रियंका कार्कीको आगामी चलचित्र ‘मास्टर्नी’ को एक गीतको शब्दलाई लिएर सामाजिक सञ्जाल र सञ्चारमाध्यममा विवाद चुलिएको छ। यसै विषयमा नेपाली चलचित्र क्षेत्रका स्थापित लेखक, निर्माता तथा निर्देशक प्रकाश सायमीले आफ्नो सामाजिक सञ्जाल फेसबुकमार्फत तिखो टिप्पणी गरेका छन्।

सायमीले विवादित गीतको शब्दप्रति आफ्नो कुनै व्यक्तिगत गुनासो नरहेको स्पष्ट पार्दै प्रियंकाको पारिवारिक पक्षमाथि व्यङ्ग्य गरेका छन्। उनले प्रियंकाका मातापिता, सासू वा पूर्व ससुरा र वर्तमान ससुरा कसैलाई पनि यसमा आपत्ति नभएको र उनीहरूले यो भद्दा कला पचाएकाले परिवार बाहिरका मानिसहरूले पनि यसलाई पचाउन सक्नुपर्ने धारणा राखेका छन्।