लोकप्रियता घट्यो ताकाइचीको

काठमाडौँ । जापानी प्रधानमन्त्री सानाए ताकाइची नेतृत्वको सरकारको लोकप्रियता पहिलो पटक ५० प्रतिशतभन्दा तल झरेको छ। गत अक्टोबरमा सत्तामा आएयता बिहीबार सार्वजनिक भएको एक सर्वेक्षणले ताकाइची सरकारप्रतिको जनसमर्थनमा निकै गिरावट आएको देखाएको हो।

जिजी प्रेसले गरेको पछिल्लो सर्वेक्षणअनुसार अहिले ताकाइचीको मन्त्रिपरिषद्प्रति समर्थन गर्नेहरूको सङ्ख्या ४९ प्रतिशत मात्र देखिएको छ। सरकारप्रतिको समर्थनमा सबैभन्दा ठूलो गिरावट ६० देखि ७० वर्ष उमेर समूहका जेष्ठ मतदाताहरूमा देखिएको छ। यो उमेर समूहमा गत महिना ६३.७ प्रतिशत रहेको समर्थन अहिले ह्वात्तै घटेर ३९.९ प्रतिशतमा झरेको छ।