आयकरदेखि ईभी, विद्युत् र सेयर बजारसम्म, नयाँ आर्थिक वर्षले के–के बदल्यो?

आर्थिक वर्ष २०८३/८४ शुक्रबारदेखि औपचारिक रूपमा सुरु भएसँगै सरकारले बजेटमार्फत घोषणा गरेका वित्तीय सुधारका कार्यक्रम र नेपाल राष्ट्र बैंकले सार्वजनिक गरेको नयाँ मौद्रिक नीति कार्यान्वयनमा प्रवेश गरेका छन्। यससँगै कर प्रणाली, उद्योग–व्यवसाय, बैंकिङ, पुँजी बजार तथा उपभोक्ताले प्रत्यक्ष प्रयोग गर्ने विभिन्न सेवामा नयाँ व्यवस्था लागू भएको छ।

यस वर्ष सरकारले एकातर्फ कर प्रणालीलाई सरल बनाउने र निजी क्षेत्रलाई लगानीका लागि प्रोत्साहन गर्ने नीति अघि सारेको छ भने अर्कोतर्फ राजस्वको दायरा विस्तार गर्न केही नयाँ शुल्कसमेत थपेको छ। त्यसैले नयाँ आर्थिक वर्षले कसैलाई करको राहत दिएको छ भने केही क्षेत्रमा अतिरिक्त आर्थिक भार पनि थपिएको छ।