२३ अर्ब बक्यौता तिरेर जुर्मुराउँदै स्वास्थ्य बीमाः सङ्कट टार्न सुविधा थैलीमा कटौती

काठमाडौँ – आम नागरिकलाई सर्वसुलभ र गुणस्तरीय स्वास्थ्य सेवा प्रदान गर्ने उद्देश्यले सञ्चालन गरिएको स्वास्थ्य बीमा कार्यक्रम पछिल्ला केही वर्षयता आफैँ आर्थिक सङ्कटमा फस्यो । अस्पतालले महिनौँसम्म भुक्तानी नपाएपछि सेवा बन्द गर्न थाले, बिमित नागरिक उपचार सेवाबाट वञ्चित हुन थाले र कार्यक्रमको भविष्यबारे नै प्रश्न उठ्न थाल्यो ।