दीपक भट्ट र सुलभ अग्रवाललाई धरौटीमा छाड्न अदालतको आदेश

जिल्ला अदालत काठमाडौंले धितोपत्र तथा बिमासम्बन्धी कसुरमा अभियोग लागेका व्यवसायी दीपक भट्ट र व्यापारी सुलभ अग्रवाललाई धरौटीमा रिहा गर्ने आदेश दिएको छ।

न्यायाधीश शिवप्रसाद आचार्यको इजलासले बिहीबार थुनछेक बहस टुंग्याउँदै दुवै अभियुक्तलाई धरौटीमा छाड्न आदेश दिएको हो। अदालतले बिमासम्बन्धी कसुरतर्फ सुलभ अग्रवालसँग २ करोड रुपैयाँ तथा दीपक भट्टसँग १ करोड ५० लाख रुपैयाँ धरौटी माग गरेको छ।