अमेरिकी सेनाद्वारा लगातार छैटौँ रात इरानमाथि आक्रमण

काठमाडौं । अमेरिकी सेनाले लगातार छैटौँ रात इरानभित्रका विभिन्न सैन्य अड्डाहरूमा आक्रमण गरेको छ । मध्यपूर्वमा अमेरिकी सैन्य गतिविधिको जिम्मेवारी सम्हाल्ने अमेरिकी सेन्ट्रल कमान्डले सामाजिक सञ्जाल एक्समार्फत जारी गरेको विज्ञप्तिमा पूर्वी अमेरिकी समयअनुसार दिउँसो २ बजे इरानको सैन्य क्षमता थप कमजोर पार्ने उद्देश्यले नयाँ आक्रमण सुरु गरिएको जनाएको छ ।

इरानको सरकारी समाचार एजेन्सी इर्नाका अनुसार दक्षिणी सहर बुशेहरमा विष्फोटका आवाज सुनिएका छन् । बुशेहर इरानको प्रमुख आणविक ऊर्जा केन्द्र रहेको सहर हो, जहाँ यसअघि पनि इजरायल–इरान तथा अमेरिका–इरान तनावका क्रममा आक्रमण भएको थियो ।