पहिले घोषणापत्र अनि प्रचार

काठमाडौँ। आगामी २१ फागुनमा हुने प्रतिनिधिसभा निर्वाचन प्रचारमा जानुअघि राजनीतिक दल र उम्मेदवारले घोषणापत्र सार्वजनिक गर्नुपर्नेछ। निर्वाचन आचारसंहिता, २०८२ मा यस्तो व्यवस्था गरिएको छ।

आचारसंहिताको दफा ३७ मा राजनीतिक दल वा उम्मेदवारले निर्वाचन घोषणापत्र सार्वजनिक गरी सोका आधारमा प्रचार गर्नुपर्ने व्यवस्था गरिएको छ। यो व्यवस्थाअनुसार आगामी ४ फागुनदेखि निर्वाचन प्रचार हुने कार्यतालिका छ। तर आजसम्म आयोगमा कुनै पनि राजनीतिक दलले घोषणापत्र पेस नगरेको सहायक प्रवक्ता कुलबहादुर जीसीले जानकारी दिए।