कपनमा मोटरसाइकल दुर्घटना, एक जनाको मृत्यु

काठमाडौँ । काठमाडौँको कपन स्थित भृकुटीचोकमा मोटरसाइकल दुर्घटना हुँदा एक जनाको मृत्यु भएको छ । गएराति दुईवटा मोटरसाइकल ठोक्किएर दुर्घटना भएको हो ।

दुर्घटनामा परेर सङ्खुवासभाको मकालु गाउँपालिका घर भएर काठमाडौँ बस्दै आएका २४ वर्षीय कुसान शेर्पाको मृत्यु भएको उपत्यका ट्राफिक प्रहरी कार्यालयका एसपी नरेश सुवेदीले रातोपाटीलाई बताए ।