पाँच वर्षमा राजमार्गहरूको मर्मत गर्न ५५ अर्ब निकासा, सडक सुरक्षा अझै जोखिममा

काठमाडौं । राजमार्गहरूको चौडाई र लम्बाई बढ्दै गर्दा यसको मर्मत सम्भार खर्च धान्न अर्बौं रकम खर्च हुने गरेको छ । महालेखापरीक्षकको कार्यालयले तयार पारेको कार्यमूलक तथा विविध विषयको लेखापरीक्षण प्रतिवेदन, २०८३ का अनुसार सरकारको ठूलो खर्च यसै क्षेत्रमा केन्द्रित भइरहे पनि अपेक्षित परिणाम हासिल हुन सकेको छैन ।

प्रतिवेदनका अनुसार मर्मत र पुनर्निर्माण कार्यमा ढिलाइका कारण सार्वजनिक सम्पत्तिको मूल्य ह्रास, दुर्घटनाको जोखिम र आर्थिक क्षति बढ्दै गएको अवस्था छ । महालेखाको कार्यमूलक प्रतिवेदनअनुसार राजमार्गहरूको मर्मत सम्भारका लागि सडक बोर्ड, नेपालका नाममा विगत पाँच वर्षमा ६८ अर्ब ७४ करोड ९० लाख रुपैयाँ जबेट विनियोजन भएको थियो । यसको ८१.४ प्रतिशत अर्थात् ५५ अर्ब ९६ करोड ४३ लाख रुपैयाँ निकासा गरिएको थियो ।