पक्राउ पुर्जीपछि कांग्रेस सांसद अभिषेकले भने– ‘यो राजनीतिक प्रतिशोध हो’

काठमाडौं । नेपाली कांग्रेसका प्रतिनिधिसभा सदस्य अभिषेक प्रताप साहले आफूमाथि जारी भएको पक्राउ पुर्जीलाई राजनीतिक प्रतिशोधको संज्ञा दिएका छन् । उनले आरोपको कानुनी रूपमा सामना गर्ने र सम्पूर्ण कानुनी प्रक्रियामा पूर्ण सहयोग गर्ने बताएका छन् ।

बिहीबार सामाजिक सञ्जालमार्फत प्रतिक्रिया दिँदै साहले आफूलाई बदनाम गर्ने उद्देश्यले योजनाबद्ध रूपमा भ्रम सिर्जना गरिएको र प्रशासनलाई समेत गुमराह बनाइएको आरोप लगाए ।