साउने संक्रान्ति : पर्यटन प्रवर्द्धनको सांस्कृतिक अवसर

काठमाडौं । नेपाली समाजमा कृषि, प्रकृति, स्वास्थ्य र आध्यात्मिक आस्थासँग जोडिएको साउने (कर्कट) संक्रान्ति देशभर विभिन्न धार्मिक तथा सांस्कृतिक गतिविधिसहित मनाइँदै छ। स्नान, दान, लुतो फाल्ने परम्परा र भगवान् शिवको आराधनाले यस पर्वलाई विशिष्ट बनाएको छ।

सौरमासअनुसार सूर्य मिथुन राशिबाट कर्कट राशिमा प्रवेश गर्ने दिनका रूपमा मनाइने साउने संक्रान्तिले नेपाली सभ्यता र जीवनशैलीको बहुआयामिक पक्ष उजागर गर्छ। कृषि कर्ममा आधारित नेपाली समाजका लागि यो पर्व केवल धार्मिक अनुष्ठान मात्र नभई प्रकृतिसँगको सहअस्तित्व, स्वास्थ्य संरक्षण र सामुदायिक संस्कृतिको प्रतीक पनि हो।