आज ३१ जिल्लामा आकस्मिक बाढीको जोखिम

काठमाडौं। बाढी पूर्वानुमान महाशाखाले आज देशका ३१ जिल्ला तथा आसपासका क्षेत्रमा आकस्मिक बाढीको मध्यम जोखिम रहेको जनाएको छ। महाशाखाले शुक्रबार बिहान जारी गरेको बुलेटिनअनुसार ती जिल्लाबाट बग्ने ससाना नदी तथा खोलाहरूको बहाव उल्लेख्य रूपमा बढ्न सक्ने भएकाले आवश्यक सतर्कता अपनाउन आग्रह गरिएको छ।

महाशाखाका अनुसार काठमाडौं, भक्तपुर, ललितपुर, काभ्रेपलाञ्चोक, सिन्धुपाल्चोक, मकवानपुर, धादिङ, नुवाकोट, चितवन, नवलपरासी (पूर्व), पाल्पा, अर्घाखाँची, तनहुँ, लमजुङ, कास्की, स्याङ्जा, पर्वत, बागलुङ, बाँके, बर्दिया, कैलाली र सुर्खेतसहित आसपासका क्षेत्रमा बहने ससाना नदीमा पानीको सतह उल्लेख्य रूपमा बढ्ने सम्भावना छ।