संसद्को प्रभावकारितामाथि प्रश्न: सत्तापक्ष सन्तुष्ट, प्रतिपक्ष असन्तुष्ट

काठमाडौँ । नेपालमा संविधान जारी भएपछिको तेस्रो निर्वाचन सम्पन्न भई संसदीय अभ्यास अगाडि बढिरहँदा सङ्घीय संसद्को प्रभावकारितामाथि गम्भीर प्रश्न उठ्न थालेको छ ।

गत वैशाख २८ गतेदेखि आह्वान गरिएको बजेट अधिवेशन विभिन्न राजनीतिक विवाद र अवरोधका बिच गुज्रिरहेको छ । विशेषगरी प्रधानमन्त्रीले सीमा विवादका सम्बन्धमा दिएको विवादास्पद अभिव्यक्तिका कारण संसद्को गरिमा र कार्यसम्पादनमा प्रतिकूल असर परेको टिप्पणी हुन थालेको हो ।