‘मास्टर्नी’ गीतमाथि तत्काल प्रतिबन्ध लगाउन अखिल (क्रान्तिकारी) को माग

काठमाडौँ । अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) ले हालै सार्वजनिक भएको चलचित्र ‘मास्टर्नी’ को प्रमोसन गीत र त्यसको भिडियोमाथि तत्काल प्रतिबन्ध लगाउन माग गरेको छ ।

संगठनका केन्द्रीय अध्यक्ष विजयप्रकाश शर्मा सापकोटाले शुक्रबार एक प्रेस विज्ञप्ति जारी गर्दै उक्त गीतले शिक्षकको गरिमा, शिक्षण पेसा, गुरु–शिष्य सम्बन्ध र महिलाको सम्मानमाथि प्रहार गरेकाले प्रतिबन्ध लगाउन माग गरेको हो ।