ऐन विपरीत पीएसबीएनमा बस्नेतको नियुक्ति : एकातिर एमाले कोटाका पद, अर्कोतिर रास्वपाकाे

नेपाल टेलिभिजनकी निमित्त प्रमुख प्रशासकीय अधिकृत आरती चटौतले बिहीबार सामाजिक सञ्जालमा एक बधाई सन्देश राखिन् । जसमा उनले लेखेकी थिइन्, ‘सार्वजनिक सेवा प्रसारण नेपाल (पीएसबीएन)मा सञ्चार क्षेत्रका दुई सक्षम र अनुभवी व्यक्तित्वहरू श्री उर्वशी बस्न्यातज्यू तथा श्री शोभिता रिसालज्यूलाई सञ्चालक समिति सदस्यका रूपमा स्वागत गर्न पाउँदा हामी अत्यन्त गौरवान्वित छौँ।’

संस्थाको वैधानिक–अवैधानिक काम छुट्याउन सक्ने कर्मचारीतर्फको सर्वोच्च पदमा रहेकी चटौतले यसरी बधाई दिएकी एक सदस्य उर्वशी बस्न्यातको नियुक्ति अवैधानिक हो । तर, सार्वजनिक सेवा प्रसारण ऐनमा टेकेर काम, कर्तव्य गर्नुपर्ने चटौतले आफूले वर्षौं काम गरेको संस्थाको ऐनकै धज्जी उड्ने गरी बधाई दिइन् ।