पशु वधशाला र मासु जाँच ऐन देशभर ३ चरणमा कार्यान्वयन गरिने, उपत्यका पहिलो प्राथमिकतामा

काठमाडौँ । सरकारले उपभोक्ताको स्वास्थ्य र स्वच्छ मासुको उपलब्धता सुनिश्चित गर्न ‘पशु वधशाला र मासु जाँच ऐन, २०५५’ लाई देशैभर चरणबद्ध रूपमा कार्यान्वयनमा लैजाने तयारी गरेको छ ।

यसका लागि कृषि, वन तथा पर्यावरण मन्त्रालयको निर्णय र संघीय मामिला तथा सामान्य प्रशासन मन्त्रालयको समन्वयमा देशभरका सबै स्थानीय तहहरूलाई आवश्यक तयारी र व्यवस्थापनका लागि पत्राचार गरेको हो । मन्त्रालयले ऐन कार्यान्वयनको प्रक्रियालाई व्यवस्थित बनाउन स्थानीय तहहरूसँग समन्वय गर्दै काम अगाडि बढाएको हो ।