चिकित्सा शिक्षा र स्वास्थ्य सेवालाई व्यापारिक स्वार्थबाट मुक्त राख्न डा.केसीको माग

काठमाडौँ । चिकित्सा क्षेत्र सुधारका अभियन्ता प्रा.डा.गोविन्द केसीले चिकित्सा शिक्षा र स्वास्थ्य सेवालाई व्यापारिक स्वार्थबाट मुक्त राख्न माग गर्दै पुनः सत्याग्रह बस्ने चेतावनी दिएका छन् । आज शुक्रबार एक प्रेस विज्ञप्ति जारी गर्दै डा.केसीले सरकारलाई आफ्ना मागहरू सम्बोधन गर्नका लागि आगामी साउन ५ गतेसम्मको अल्टिमेटम दिएका हुन् ।

डा.केसीले स्थापित नियम र मूल्य–मान्यता विपरीत स्वार्थको द्वन्द्व हुने गरी निजी शिक्षण संस्थामा आबद्ध व्यक्तिहरूलाई मेडिकल विश्वविद्यालय तथा नियामक निकायहरूमा गरिएको राजनीतिक नियुक्ति तत्काल खारेज गर्न माग गरेका छन् ।