कृषि तथा पशुपन्छी कार्यक्रमको प्रगति विवरण बुझाउन स्थानीय तहलाई निर्देशन

काठमाडौँ । सरकारले स्थानीय तहमा सशर्त वित्तीय हस्तान्तरणमार्फत सञ्चालन गरिएका कृषि तथा पशुपन्छी विकास कार्यक्रमहरूको प्रगति विवरण माग गरेको छ। सङ्घीय मामिला तथा सामान्य प्रशासन मन्त्रालयले देशभरका सबै गाउँपालिका र नगरपालिकालाई परिपत्र गर्दै आर्थिक वर्ष २०८२–८३ मा कार्यान्वयन भएका कार्यक्रमहरूको प्रगति विवरण पठाउन निर्देशन दिएको हो।

कृषि, वन तथा वातावरण मन्त्रालयको समन्वयमा पठाइएको उक्त परिपत्रमा कृषिजन्य उत्पादन तथा उत्पादकत्व वृद्धिका लागि सञ्चालित योजनाहरूको प्रभावकारिता र कार्यान्वयनको अवस्था बुझ्न प्रतिवेदन माग गरिएको उल्लेख छ।