त्रिवि केन्द्रीय क्याम्पसको स्वतन्त्र विद्यार्थी युनियनमा मनोपरामर्श इकाइको स्थापना

काठमाडौँ । त्रिभुवन विश्वविद्यालय मनोविज्ञान केन्द्रीय विभाग र विश्वविद्यालय क्याम्पस स्वतन्त्र विद्यार्थी युनियनबिच सहकार्य गर्दै मनोपरामर्श इकाई स्थापना गर्नेसम्बन्धी समझदारी पत्रमा हस्ताक्षर भएको छ ।

शुक्रबार एक कार्यक्रमका बिच विभागको तर्फबाट विभागीय प्रमुख सन्जेश श्रेष्ठ र स्ववियुको तर्फबाट सभापति दिपकराज जोशीले समझदारी पत्रमा हस्ताक्षर गरी इकाई स्थापनाको घोषणा गरेका हुन् । इकाइमा मनोविज्ञान विषय अध्ययनरत विद्यार्थीहरूले अन्य विभागमा अध्ययनरत विद्यार्थीहरूलाई समेत मनोपरामर्श सेवा प्रदान गर्ने सहमति भएको छ ।