बागमतीमा मन्त्रालयको सङ्ख्या घट्यो तर घटेन मन्त्रीको सङ्ख्या

मकवानपुर । नयाँ आर्थिक वर्ष सुरु भएसँगै बागमती प्रदेशमा ८ मन्त्रालय कायम भएको छ । मन्त्रालय घटाउने वैशाख २२ को निर्णय कार्यान्वयन गर्दै साउन १ गते (आज) देखि सरकारले प्रदेशमा ८ मन्त्रालय कायम राखेको हो । मन्त्रालयको सङ्ख्या घटे पनि मन्त्रीको सङ्ख्या भने तत्काल नघट्ने भएको छ ।

सोही अनुसार सरकारका मन्त्रीहरूको विषयमा मुख्यमन्त्री इन्द्रबहादुर बानियाँले मन्त्रीको कार्यविभाजनसहित प्रदेश प्रमुख समक्ष सिफारिस गरेका छन् । मुख्यमन्त्री कार्यालय स्रोतका अनुसार ७ मन्त्रीलाई मुख्य जिम्मेवारी र ६ जनालाई केही समयका लागि अतिरिक्त जिम्मेवारी दिइएको छ ।