अब निर्माण व्यवसायीको इजाजतपत्र घरबाटै नवीकरण, आजदेखि अनलाइन प्रणाली अनिवार्य

काठमाडौं । अब निर्माण व्यवसायीले इजाजतपत्र नवीकरणका लागि मन्त्रालय धाउनुपर्ने बाध्यता हटेको छ । सरकारले निर्माण व्यवसायीको इजाजतपत्र दर्ता, स्तरवृद्धि र नवीकरणको सम्पूर्ण प्रक्रिया अनलाइनमार्फत गर्ने व्यवस्था लागू गरेको छ ।

भौतिक पूर्वाधार तथा यातायात मन्त्रालयअन्तर्गतको निर्माण व्यवसाय प्रवर्द्धन शाखाले सूचना जारी गर्दै शुक्रबारदेखि सबै सेवा कन्ट्र्याक्टर्स इन्फर्मेसन म्यानेजमेन्ट सिस्टम (CIMS) मार्फत मात्र सञ्चालन हुने जनाएको हो ।