जलविद्युतमा बैंकको पाँच खर्ब लगानी, थप नौ खर्ब लगाउन सकिने [भिडियो]

काठमाडौँ। नेपाल राष्ट्र बैंकले जलविद्युत तथा ऊर्जा पूर्वाधारमा लगानी विस्तार गर्न नीतिगत लचकता र विभिन्न सहुलियतपूर्ण व्यवस्था गरेको जनाएको छ।

नेपाल आर्थिक पत्रकार संघ (नाफिज) ले आयोजना गरेको कार्यक्रममा राष्ट्र बैंकका प्रवक्ता गुरुप्रसाद पौडेलले हाल बैंक तथा वित्तीय संस्थाबाट ऊर्जा क्षेत्रमा करिब पाँच सय अर्ब रुपैयाँ कर्जा प्रवाह भएको र थप नौ सय अर्ब रुपैयाँसम्म लगानी गर्ने क्षमता अझै रहेको जानकारी दिए।