विशिष्ट श्रेणीका २० सहित यस वर्ष २ हजार निजामती कर्मचारी अनिवार्य अवकाशमा

काठमाडौं – नयाँ आर्थिक वर्ष २०८३/८४ मा विशिष्ट श्रेणीका २० जनासहित झन्डै २ हजार निजामती कर्मचारीले अनिवार्य अवकाश पाउने भएका छन्।

राष्ट्रिय किताबखाना (निजामती) ले सार्वजनिक गरेको अनुमानित विवरणअनुसार चालु आर्थिक वर्षभित्र १ हजार ९८५ कर्मचारी सेवाबाट निवृत्त हुनेछन्। हाल कार्यरत ९२ हजार ५२० निजामती कर्मचारीमध्ये उमेर हद (५८ वर्ष) वा पदावधि पूरा हुने आधारमा उनीहरू अनिवार्य अवकाशमा जान लागेका हुन्।