मुख्यमन्त्रीमा जीवनबहादुर शाही प्रस्ताव, अरुमा कसरी हुन्छ ‘पावर सेयरिङ’ ?

सुर्खेत । कर्णाली प्रदेशमा नेकपा एमाले र नेपाली कांग्रेसको सत्ता समीकरण भत्किएसँगै कांग्रेसले नेपाली कम्युनिस्ट पार्टी (नेकपा)सँग साझेदारी अघि बढाएको छ । कांग्रेसले जीवनबहादुर शाहीलाई मुख्यमन्त्री बनाउने सहमतिसहित नेकपालाई सत्ता साझेदार बनाएको हो ।

बिहीबार पूर्वमुख्यमन्त्री समेत रहेका कांग्रेस संसदीय दलका नेता जीवनबहादुर शाहीलाई मुख्यमन्त्री बनाउने प्रस्तावसहित नेकपा र कांग्रेसका सांसदले मुख्यमन्त्री यामलाल कँडेलविरुद्ध अविश्वासको प्रस्ताव दर्ता गरेका छन् ।