स्लोभेनियाका भिन्चिच विश्वकपको फाइनल खेलको मुख्य रेफ्री

१ साउन, काठमाडौं । फिफा विश्वकप २०२६ को फाइनल खेलको मुख्य रेफ्रीको जिम्मेवारीमा स्लोभेनियाका स्लाभ्को भिन्चिच रहने भएका छन् । अमेरिकाको न्यूयोर्कस्थित न्यू जर्सी रंगशालामा हुने स्पेन र अर्जेन्टिनाबिचको फाइनल खेलको रेफ्री कमान्ड भिन्चिचले सम्हाल्ने तय भएको हो ।

स्लोभेनियाका ४६ वर्षीय भिन्चिचलाई मुख्य रेफ्रीको जिम्मेवारी दिएको फिफाका प्रमुख रेफ्री अधिकृत एवं फिफा रेफ्री कमिटीका अध्यक्ष पियरलुइजी कोलिनाले जानकारी दिए । यो नियुक्तिसँगै भिन्चिच फिफा विश्वकपको फाइनल खेलाउने इतिहासकै २३औँ रेफ्री र स्लोभेनियाका पहिलो नागरिक बनेका छन् ।