भारत र चीनबीचको ‘ल्यान्ड ब्रिज’ बन्न सक्छ जोगवनी-किमाथाङ्का सडक

धनकुटा । चीनसँग सीमा जोडिएको पूर्वी नेपालको सबैभन्दा दुर्गम हिमाली बस्ती संखुवासभाको किमाथांको लामो समयदेखि राज्यको पहुँचभन्दा टाढाजस्तै थियो। सडक, यातायात र आधारभूत सेवाको अभावले यहाँको जनजीवन कठिन थियो।

तर अब परिस्थिति फेरिएको छ। भारतको विहारस्थित जोगबनी नाकादेखि सुरु भएको करिब ३ सय ९० किलोमिटर भारत–चीन जोड्ने सबैभन्दा छोटो मार्ग जोडिएको छ । यो सडकले हिमाल र तराईलाई मात्रै होइन, भारत र चीनबीचको सम्भावित आर्थिक सम्बन्धलाई समेत जोड्ने आधार तयार गरेको छ ।