विश्व दूध दिवसमा तुलसीपुरका डेरी तथा खाद्य पसल अनुगमन, म्याद नाघेका सामग्री नष्ट

दाङ– विश्व दूध दिवसको अवसरमा तुलसीपुर उपमहानगरपालिकाको उपभोक्ता हित संरक्षण शाखा र खाद्य प्रविधि तथा गुण नियन्त्रण डिभिजन कार्यालय, तुलसीपुरको संयुक्त टोलीले डेरी तथा खाद्य व्यवसायहरूको अनुगमन गरेको छ।

दुग्धपानको महत्वबारे जनचेतना अभिवृद्धि गर्ने उद्देश्यले विश्वभर जुन १ तारिखमा विश्व दूध दिवस मनाइन्छ। विश्व खाद्य संगठनले सन् २००१ देखि अन्तर्राष्ट्रिय दूध दिवस मनाउने निर्णय गरेको थियो भने नेपालले सन् २०११ देखि यो दिवस मनाउन थालेको हो।