प्रत्येक १० मिनेटमा ध्रुवे हात्तीको गतिविधि निगरानी

चितवन । २५ जनाको ज्यान लिएको जंगली हात्ती ‘ध्रुवे’लाई नियन्त्रणमा लिएर दाह्रा काटिएपछि अब उसको गतिविधिमाथि कडा निगरानी सुरु गरिएको छ। हात्तीमा रेडियो कलर जडान गरिएकाले हरेक १० मिनेटमा उसको अवस्थाबारे जानकारी प्राप्त भइरहेको छ।

चितवन राष्ट्रिय निकुञ्जका अनुसार बिहीबार राति सुखिभार क्षेत्रमा डार्ट गरेर ध्रुवे हात्तीमा रेडियो कलर जडान गर्नुका साथै दुवै दाह्रा करिब ६ इन्च काटिएको हो।