सुर्खेत र दाङका दुई विद्यालयमा एनआईसी एशिया बैंकको सहयोग

काठमाडौं । एनआईसी एशिया बैंकले आफ्नो संस्थागत सामाजिक उत्तरदायित्व अन्तर्गत वीरेन्द्रनगर–८ सुर्खेतस्थित सिद्ध बहिरा बालकको स्कुल र घोराही उप–महानगरपालिका–१८, दाङस्थित आधारभूत विद्यालय गिठेपानीका विद्यार्थीहरुको गरिब तथा विपन्न विद्यार्थीहरुका लागि विद्यालय पोशाक, झोला र शैक्षिक सामग्री प्रदान गरेको छ ।

फरक क्षमता भएका ११५ जना विद्यार्थीहरु अध्ययनरत रहेको सिद्ध बहिरा बालकको स्कुलमा असार २९ गते बैंकका कर्णाली सर्कल हेड जीवन शाहीले प्रधानाध्यापक चिन्तामणि कँडेललाई विद्यार्थीहरूलाई हस्तान्तरण गर्ने गरी ११५ थान विद्यालय पोशाक प्रदान गरे ।